საქართველო, 23 მაისი, საქინფორმი. რუსეთში ქართველთა კავშირის თავმჯდომარემ, რუსეთის ფედერაციის პრეზიდენტთან არსებული ეროვნებათა საბჭოს წევრმა მიხეილ ხუბუტიამ და ბიზნესმენთა ჯგუფმა გადაწყვიტეს შექმნან სკოლა ნიჭიერი ბავშვებისათვის მცირედ უზრუნველყოფილი ოჯახებიდან, რომელშიც მიიღებენ ნიჭიერ ბავშვებს მთელი რუსეთიდან. ამის შესახებ “Вести ФМ"-ის დილის ეთერში თავად მიხეილ ხუბუტიამ  განაცხადა.

“ისეთ ხალხს ვემსგავსები, რომლებმაც საკუთარი წვლილი შეიტანეს ცხოვრებაში. კობზონი ებრაული წარმოშობისაა, მაგრამ მასზე უფრო რუს ადამიანს მე არ ვიცნობ. მეც მინდა, ამ საქმეში მას ვგავდე და საკუთარი კვალი დავტოვო.

მას შემდეგ, რაც ჩვენ, უნდა აღვნიშნო, რომ სამართლიანად, ავკრძალეთ ამერიკელების მიერ ჩვენი ბავშვების შვილად აყვანა, რატომ უნდა გახდნენ ისინი ამერიკელები, როცა ჩვენთან ისედაც დიდი დემოგრაფიული პრობლემები გვაქვს? ახლა პროპაგანდა ტარდება, აქაოდა, ბავშვები იშვილეთო... ჰოდა, მინდა ვიშვილო, ოღონდ არა მცირე რაოდენობით, არა 2-3, არამედ 500-700. ამიტომ გადავწყვიტე, შევქმნა სკოლა ნიჭიერი ღარიბი ბავშვებისათვის. ეს უდიდესი სამუშაოა, გარდა იმისა, რომ საწყისშივე ეს უკვე 100 მილიონი დოლარი ჯდება, ეს ჯოჯოხეთური სამუშაოცაა, ვინაიდან მასწავლებლების შესარჩევად ცალკე კონცეფციას ვქმნით.