უცხოეთი
ქიმიური იარაღის ამკრძალავი ორგანიზაციის ექსპერტებმა სირიული ქიმიური ობიექტების ნახევარზე მეტის ინსპექცია განახორციელეს
საქართველო, 17 ოქტომბერი, საქინფორმი. ქიმიური იარაღის ამკრძალავი ორგანიზაციის განცხადებით, მათმა ექსპერტებმა სირიული ქიმიურ ობიექტების ნახევარზე მეტის ინსპექცია განახორციელეს. ამის შესახებ სააგენტო „ფრანს-პრესი“ იუწყება.
ოთხშაბათს ორგანიზაციამ განაცხადა, რომ მხოლოდ 11 ობიექტის შემოწმება მოასწრო და მათგან 6-ზე აღჭურვილობა განადგურდა.
ამჟამად ქვეყანაში იმყოფება ქიმიური იარაღის ამკრძალავი ორგანიზაციისა და გაეროს ერთობლივი, 60-კაციანი მისია. მისმა წევრებმა უნდა უზრუნველყონ სირიული ქიმიური იარაღის სრული განადგურება 2014 წლის შუა ხანებისათვის.
