რედაქტორისგან
საქმე სააკაშვილის მიერ დანაშაულებრივი გზით გაყიდული „საქინფორმის“ შენობისა და უნიკალური არქივის თაობაზე საქართველოს იუსტიციის სამინისტრომ და მთავარმა პროკურატურამ ქ.თბილისის პროკურორს დაავალა
საქართველო, 29 სექტემბერი, საქინფორმი. პატივცემულო მკითხველო! როგორც გახსოვთ, ა.წ. 8 სექტემბერს საქინფორმის დირექტორმა და მთავარმა რედაქტორმა არნო ხიდირბეგიშვილმა საქართველოს პრემიერ-მინისტრს, ბატონ ირაკლი ღარიბაშვილს ღია წერილით მიმართა:
„დაუბრუნეთ საქინფორმს მისი შენობა რუსთაველის პროსპექტზე, ფოტოარქივი, გაზეთები „ვრასტანი და „გურჯისტანი“!“.
მესამე დღეს - 2014 წლის 11 სექტემბერს - „საქინფორმის“ რედაქციამ საქართველოს მთავრობის კანცელარიიდან შემდეგი პასუხი მიიღო, რომ საინფორმაციო-ანალიტიკური სააგენტო „საქინფორმის“ დირექტორის არნო ხიდირბეგიშვილის №30159 და №30164 წერილი გადაგზავნილია განსახილველად საქართველოს მთავარ პროკურატურასა და საქართველოს ეკონომიკისა და მდგრადი განვითარების სამინისტროში.
და აი, 2014 წლის 19 სექტემბერს, საქართველოს იუსტიციის სამინისტრომ და საქართველოს მთავარმა პროკურატურა წერილში №13/58286 შეატყობინეს საინფორმაციო-ანალიტიკური სააგენტო „საქინფორმის“ დირექტორს და მთავარ რედაქტორს არნო ხიდირბეგიშვილს, რომ მისი წერილი გადაეგზავნა ქალაქ თბილისის პროკურორს, ბატონ მიხეილ შაყულაშვილს.
საქართველო, თბილისი
საქინფორმი
