აქტუალური
როგორ ფიქრობთ, გვეშველება თუ არა რამე? - „საერთაშორისო გამჭვირვალობა - საქართველომ“ გამოკითხვისას რესპონდენტებს ამ შეკითხვითაც მიმართა
საქართველო, 15 აპრილი, საქინფორმი. არასამთავრობო ორგანიზაცია „საერთაშორისო გამჭვირვალობა - საქართველომ“ ქვეყანაში კორუფციასთან დაკავშირებით კვლევა გამოაქვეყნა.
კვლევისას რესპონდენტებს, სხვა კითხვებთან ერთად, ასეთი შეკითხვითაც მიმართეს – თქვენი აზრით, გვეშველება თუ არა რამე?
ამ შეკითხვაზე გამოკითხულთა 58% პასუხობს – დიახ; 27% – არა; კითხვაზე პასუხი არ იცის გამოკითხულთა 15%-მა.
კვლევა „საერთაშორისო გამჭვირვალობა – საქართველოს“ დაკვეთით „კავკასიის კვლევითი რესურსების ცენტრმა” (CRRC) 2019 წლის 20 თებერვლიდან 5 მარტამდე პერიოდში ჩაატარა.
კვლევის ფარგლებში მთელი ქვეყნის მასშტაბით 2087 ადამიანი გამოიკითხა, ცდომილების ზღვარი +- 2,3 პროცენტის ფარგლებშია.
