აქტუალური
„რუსთავი 2“-ის საინფორმაციო სამსახურის ხელმძღვანელის პოსტზე რამდენიმე ადამიანთან მიმდინარეობს მოლაპარაკებები, მათ შორის ნინო შუბლაძესთან - პაატა სალია
საქართველო, 21 აგვისტო, საქინფორმი. „რუსთავი 2“-ის საინფორმაციო სამსახურის ხელმძღვანელის პოსტზე რამდენიმე ადამიანთან მიმდინარეობს მოლაპარაკებები, მათ შორის ნინო შუბლაძესთან, – ამის შესახებ „რუსთავი 2“-ის გენერალურმა დირექტორმა, პაატა სალიამ პრესკონფერენციაზე განაცხადა.
მისი თქმით, ამ საკითხზე ჟურნალისტებსაც ესაუბრა და ამ პოსტზე „ნიუსრუმისთვის მიუღებელი პირი ვერ დაინიშნება”.
შუბლაძის გარდა ვისთან მიმდინარეობს მოლაპარაკებები, პაატა სალიას არ დაუკონკრეტებია.
ამასთან, 20 აგვისტოს ბრიფინგზე პაატა სალიამ აღნიშნა, რომ „რუსთავი 2“-დან რამდენიმე თანამშრომელი თავისუფლდება, მათ შორის ნოდარ მელაძე და გიორგი გაბუნია. მისივე თქმით, კიდევ რამდენიმე თანამშრომლის გათავისუფლება მათი შვებულებიდან დაბრუნების შემდეგ მოხდება.
