საზოგადოება
პარლამენტარმა ბესელიამ პარლამენტარ ზარდიაშვილს ტუჩებზე მიარტყა იმის გამო, რომ ამ უკანასკნელმა მისი მორალი ახსენა, რითაც გადაკვრით მიუთითა სექსუალური ხასიათის ფარულ ვიდეოკადრებზე

 საქართველო, 27 სექტემბერი, საქინფორმი. იურიდიული კომიტეტის სხდომაზე, სადაც უზენაესი სასამართლოს კანდიდატის, მირანდა ერემაძის მოსმენა მიმდინარეობდა, დეპუტატი ეკა ბესელია დეპუტატ ვანო ზარდიაშვილს დაუპირისპირდა. დაპირისპირება მოჰყვა ზარდიაშვილის რეპლიკას, სადაც ისმოდა "ბესელიას მორალი." სხდომის თავმჯდომარე დავით მათიკაშვილი ითხოვდა ბესელიას დაეტოვებინა დარბაზი შემდეგი ფრაზებით: "ღირსეული ქცევით უნდა იყოს დეპუტატი გამორჩეული და არა ისეთი ქცევით, როგორც თქვენ იქცევით. ღირსეულად და თავშეკავებით."

"ადეიშვილის ხელის ბიჭო," "ენას ამოგაგლეჯ, შე ნაძირალავ!", "თავს გაგივიდათ" - ისმოდა ფრაგმენტულად ეკა ბესელიას მხრიდან. დაპირისპირების შემდეგ გამოცხადდა შესვენება.