პოლიტიკა
სამთავრობო გუნდს ხელმძღვანელობს გიორგი გახარია, კაბინეტი ადგილზეა და აკეთებს საქმეს - არჩილ თალაკვაძე
საქართველო, 21 იანვარი, საქინფორმი. სამთავრობო ცვლილებებზე პარტიაში არ ყოფილა განხილვა, ასეთი ტიპის გადაწყვეტილება არ არის მიღებული, – ამის შესახებ საქართველოს პარლამენტის თავმჯდომარე არჩილ თალაკვაძემ ჟურნალისტებს განუცხადა.
„ჩვენ ვფიქრობთ, საგაზაფხულო სესიაზე ზედამხედველობის რეგულარული გეგმის ფარგლებში მოვუსმენთ მინისტრებს და განვიხილავთ ყველა იმ გეგმას, რაც სამინისტროებს მიმდინარე წელს ექნებათ. არანაირ ცვლილებებთან დაკავშირებით გადაწყვეტილება არ არის მიღებული. სამთავრობო გუნდს ხელმძღვანელობს გიორგი გახარია, კაბინეტი ადგილზეა და აკეთებს თავის საქმეს, ისევე როგორც პარლამენტი“,- განაცხადა თალაკვაძემ.
