სამართალი
ეკატერინე ტიკარაძე - „მედკაპიტალის“ ექიმის გარდაცვალებასა და აცრას შორის კავშირი ამ ეტაპზე დადგენილი არ არის

 საქართველო, 1 აპრილი, საქინფორმი. საქართველოს ჯანდაცვის მინისტრის, ეკატერინე ტიკარაძის ინფორმაციით, „მედკაპიტალის“ექიმის გარდაცვალებასა და აცრას შორის კავშირი ამ ეტაპზე დადგენილი არ არის.

„რეგულირების სააგენტო ამ წუთებში იმყოფება ადგილზე, თუმცა პირველადი მოკვლევით, პირდაპირი კავშირი აცრასა და გარდაცვალებას შორის, ამ ეტაპზე დადგენილი არ არის. სააგენტო არის ადგილზე და მიმდინარეობს მოკვლევა, მოგვიანებით გვეცოდინება ინფორმაცია“, – განაცხადა მინისტრმა.

გავრცელებული ინფორმაციით, „მედკაპიტალის“ ექიმი მკურნალობას ჩაფიძის კლინიკაში გადიოდა.