უცხოეთი
მარინა კალიურანდი - მოვუწოდებ საქართველოს ხელისუფლებას, გააუქმოს სახელმწიფო უსაფრთხოების სამსახურის ბელარუსულ კა-გე-ბესთან ინფორმაციის გაცვლის შესახებ შეთანხმება
საქართველო, 17 აგვისტო, საქინფორმი. ევროპარლამენტარი მარინა კალიურანდი საქართველოს ხელისუფლებას მოუწოდებს, „გააუქმოს საქართველოს სახელმწიფო უსაფრთხოების სამსახურის ბელარუსულ სამარცხვინო კა-გე-ბესთან ინფორმაციის გაცვლის შესახებ შეთანხმება“.
ამის შესახებ კალიურანდი „ტვიტერის“ გვერდზე წერს.
„მოვუწოდებ საქართველოს ხელისუფლებას, გააუქმოს საქართველოს სახელმწიფო უსაფრთხოების სამსახურის ბელარუსულ სამარცხვინო კა-გე-ბესთან ინფორმაციის გაცვლის შესახებ შეთანხმება. ლუკაშენკო ძალისმიერ გზით მოხვდა ხელისუფლებაში 09/08/2020-დან არჩევნების გაყალბების შედეგად. ბელარუსიდან გახიზნული პირები, რომლებმაც უსაფრთხო თავშესაფრი იპოვეს საქართველოში, უნდა იყვნენ სრულად დაცულები“, – წერს მარინა კალიურანდი.
1tv.ge
