უცხოეთი
დონალდ ტრამპი ავღანეთის მოვლენებზე - ეს უკან დახევა არ არის, ეს სამარცხვინო დანებებაა - ასეთი რამ ჩემი პრეზიდენტობის პერიოდში არასოდეს მოხდებოდა
საქართველო, 23 აგვისტო, საქინფორმი. აშშ-ის ყოფილმა პრეზიდენტმა დონალდ ტრამპმა ჯო ბაიდენი კიდევ ერთხელ გააკრიტიკა და ავღანეთიდან აშშ-ის ჯარებისა და ამერიკის მოქალაქეების სწრაფ ევაკუაციას სამარცხვინო უწოდა.
„ეს აშშ-ის საგარეო პოლიტიკის ისტორიის ყველაზე დამამცირებელი მომენტია. ეს უკან დახევა არ არის ეს სამარცხვინო დანებებაა“, - განაცხადა მან.
დონალდ ტრამპმა ასევე აღნიშნა, რომ ის „თალიბანთან“ მოლაპარაკებებს აწარმოებდა და დაჯგუფება მის სიტყვას პატივს სცემს.
„ასეთი რამ ჩემი პრეზიდენტობის პერიოდში არასოდეს მოხდებოდა“ , - განაცხადა აშშ-ის ყოფილმა პრეზიდენტმა.
interpressnews.ge
