საკადრო ცვლილებები განათლების სამინისტროში
თბილისი, 12 ივლისი, საქინფორმი. ახალი მინისტრთა კაბინეტის დამტკიცების შემდეგ საკადრო ცვლილებები საქართველოს განათლებისა და მეცნიერების სამინისტროშიც განხორციელდა.
სამინისტროს მიერ გავრცელებული ინფორმაციის თანახმად, განათლებისა და მეცნიერების მინისტრის პირველ მოადგილედ შოთა ნიჟარაძე – შსს-ის აკადემიის პრეზიდენტი დაინიშნა. რაც შეეხება ხატია დეკანოიძის სხვა მოადგილეებს, ისინი არიან: გიორგი ჩახნაშვილი, ირინე ქურდაძე და ნოდარ სურგულაძე.
სამინისტროს ადმინისტრაციის (დეპარტამენტი) უფროსად – ლევან ქებურია, შიდა აუდიტის დეპარტამენტის უფროსად – გიორგი ქოჩიშვილი, ეკონომიკური დეპარტამენტის უფროსად – გიორგი ნაცვლიშვილი, სამართლებრივი უზრუნველყოფის დეპარტამენტის უფროსად – ელგუჯა მაკალათია, საერთაშორისო ურთიერთობისა და პროგრამების დეპარტამენტის უფროსად კი ნატო ჯავახიშვილი დაინიშნა.
