აქტუალური
ევროპაში აშშ-ის არმიის მეთაური თბილისს სტუმრობს
თბილისი, 18 ივლისი, საქინფორმი. ევროპაში ამერიკის შეერთებული შტატების არმიის მეთაური, გენერალ-ლეიტენანტი მარკ ჰერტლინგი თბილისში ხელისუფლების წარმომადგენლებსა და სამხედრო მაღალჩინოსნებთან შეხვედრებს მართავს. ამის შესახებ იტყობინება აშშ-ის საელჩო თბილისში.
ამერიკის შეერთებული შტატების საელჩოს ინფორმაციით, აშშ-ის არმიის მეთაური განიხილავს საქართველოსა და აშშ-ს შორის მიმდინარე სამხედრო თანამშრომლობისა და წვრთნების საკითხებს და მადლობას გადაუხდის საქართველოს „ISAF“-ის მისიაში შეტანილი მნიშვნელოვანი წვლილისათვის.
აშშ-ის საელჩომ, ასევე, განაცხადა, რომ აშშ-ის არმია ევროპაში აძლიერებს ალიანსს და აგებს პარტნიორთა შესაძლებლობებსა და სიმძლავრეს, რაც გამოიხატება ავღანეთში მომსახურე ქართველ ჯარისკაცთა წვრთნითაც, რომლებიც ავღანეთში მისიის დაწყებამდე ოთხკვირიან წვრთნებს გადიან ჰოჰენფელცში, გერმანიაში.
