აქტუალური
საქსტატი: საქართველოს 2012 წლის II კვარტლის ეკონომიკა
თბილისი, 1 აგვისტო, საქინფორმი. როგორც საქსტატი საქინფორმს ატყობინებს, წინასწარი ინფორმაციით, 2012 წლის მეორე კვარტალში საქართველოს ეკონომიკა საშუალოდ 8,1 პროცენტით გაიზარდა. საქართველოს სტატისტიკის ეროვნული სამსახურის მონაცემებით, მიმდინარე წლის აპრილში ეკონომიკის – 6,8%; მაისში – 8,4%; ხოლო ივნისში 8,9-პროცენტიანი ზრდა აღინიშნა.
ამავე ინფორმაციით, 2012 წლის იანვარ-ივნისში საქონლის ექსპორტმა 1 140,5 მილიონი აშშ დოლარი შეადგინა, რაც წინა წლის ანალოგიურ მაჩვენებლებს 10 პროცენტით აღემატება. საქონლის იმპორტის მაჩვენებელმა 3 725,4 მილიონი აშშ დოლარი შეადგინა, რაც გასული წლის იმავე მაჩვენებელზე 19,4 პროცენტით მეტია.
რაც შეეხება საგარეო სავაჭრო ბრუნვას, მისი მაჩვენებელი 4 865,9 მილიონი აშშ დოლარია. ეს კი 2011 წლის ანალოგიურ მაჩვენებელს 17,1 პროცენტით აჭარბებს.
