პოლიტიკა
უწყებათაშორისი დელეგაცია ხარატიშვილს შეხვდა
თბილისი, 12 სექტემბერი, საქინფორმი. აშშ-ის უწყებათაშორისი დელეგაცია ცენტრალური საარჩევნო კომისიის თავმჯდომარე ზურაბ ხარატიშვილს შეხვდა. შეხვედრაზე საქართველოში შექმნილი წინასაარჩევნო გარემოს შესახებ ისაუბრეს.
„ჩვენ დელეგაციას გავაცანით პროცესი, თუ როგორ ემზადება საარჩევნო ადმინისტრაცია არჩევნების დღისთვის, რა პრობლემები არსებობს, რა მიღწევები გვაქვს; გავეცით პასუხი ყველა იმ კითხვას, რომლებიც დაისვა; მივაწოდეთ დეტალური ინფორმაცია არჩევნების ორგანიზებასთან, შეჯამების პროცედურებთან დაკავშირებით. ვფიქრობ, მათ საკმაოდ ამომწურავი ინფორმაცია მიიღეს“, – განაცხადა შეხვედრის დასრულების შემდეგ ზურაბ ხარატიშვილმა.
შეგახსენებთ, რომ ამერიკის შეერთებული შტატების უწყებათაშორისი დელეგაცია, რომელშიც ამერიკის საერთაშორისო განვითარების სააგენტოს, თავდაცვისა და იუსტიციის დეპარტამენტების წარმომადგენლები შედიან, საქართველოს გუშინწინ ეწვია.
