საზოგადოება
ცესკო საზღვარგარეთ დამატებით საარჩევნო უბნებს ხსნის
თბილისი, 14 სექტემბერი, საქინფორმი. ცესკომ საზღვარგარეთ დამატებითი საარჩევნო უბნების შექმნის გადაწყვეტილება მიიღო. როგორც ცესკოში ჟურნალისტებს აცნობეს, საზღვარგარეთ აქტიური საარჩევნო უფლების მქონე ამომრჩეველთა რაოდენობა 42 613-ს შეადგენს, მათგან 1 409 ამომრჩეველმა 10 სექტემბრის ჩათვლით საკონსულო საარჩევნო რეგისტრაცია გაიარა.
დამატებით შეიქმნა №43 საარჩევნო უბანი ესპანეთის სამეფოში, ქ. ბარსელონა; №44 საარჩევნო უბანი – კანადაშ, ქ. ოტავა; №45 საარჩევნო უბანი – ირლანდიაში, ქ. დუბლინი; №48 საარჩევნო უბანი – უნგრეთში, ქ. ბუდაპეშტი; №49 საარჩევნო უბანი – პორტუგალიის რესპუბლიკაშ, ქ. ლისაბონი.
საგარეო საქმეთა სამინისტროს მიერ მიწოდებული მონაცემების საფუძველზე, ცესკოს დადგენილებით, საზღვარგარეთ 42 საარჩევნო უბანი შეიქმნა.
