აქტუალური
საქართველო – ქვეყანა თავისუფლების მაღალი ხარისხით! მაგრამ მხოლოდ ინტერნეტში...
თბილისი, 27 სექტემბერი, საქინფორმი. „Freedom House“-ის კვლევის შედეგები აჩვენებს, რომ ინტერნეტის თავისუფლებისათვის ბრძოლის სიმძაფრე მატულობს. მთავრობები სულ უფრო დაჟინებით ცდილობენ ქსელის ცხოვრებაში ჩარევას, მაგრამ ქსელის სამოქალაქო საზოგადოებამაც, ინტერნეტკომპანიებისა და დამოუკიდებელი სასამართლოების მხარდაჭერით, მთელი რიგი მნიშვნელოვანი გამარჯვებები მოიპოვა.
„Freedom House“-ის რეიტინგში ესტონეთი, აშშ და გერმანია ლიდერობენ. საქართველო ინტერნეტში თავისუფლების მაღალი ხარისხის მქონე ქვეყნებს შორის არის დასახელებული. ის მე-14 ადგილს იკავებს და ამ კატეგორიის ქვეყნების სიას აბოლოვებს. ამასთან, აღინიშნება ჩვენს ქვეყანაში ამ სფეროს შემდგომი გაუმჯობესების ტენდენცია.
საქინფორმისგან: რა თქმა უნდა, სასიამოვნოა, როდესაც თავს თავისუფლად გრძნობ. მაგრამ არა მხოლოდ ინტერნეტის ქსელში...
