პოლიტიკა
საქართველოს პრემიერი კურტ ვოლებეკს შეხვდა
საქართველო, 16 ნოემბერი, საქინფორმი. გუშინ, 15 ნოემბერს, საქართველოს პრემიერ-მინისტრი ბიძინა ივანიშვილი ეუთოს უმაღლეს კომისარს ეროვნული უმცირესობების საკითხებში კნუტ ვოლებეკს შეხვდა. მხარეებმა ეროვნული უმცირესობების პრობლემების მოგვარებაზე ისაუბრეს.
ამავე დღეს ეუთოს უმაღლესი კომისარი ადამიანთა უფლებების დაცვის საპარლამენტო კომიტეტის თავმჯდომარე ეკა ბესელიასაც შეხვდა, რის შემდეგაც განაცხადა: „მოხარული ვარ, რომ ახალ მთავრობას სურს, გააგრძელოს მუშაობა ადამიანის უფლებების დაცვის სფეროში, კონკრეტულად, ეროვნული უმცირესობების მხარდაჭერაში. იყო შეხვედრა ადამიანის უფლებათა კომიტეტის თავმჯდომარესთან, ძალიან კარგ თანამშრომლობას ჩაეყარა საფუძველი“.
მისივე თქმით, პრემიერ-მინისტრ ბიძინა ივანიშვილთან შეხვედრისას, სხვა საკითხებთან ერთად, საუბარი შეეხო სამცხე-ჯავახეთისა და ქვემო ქართლის საკითხებს, ასევე, სიტუაციას კონფლიქტურ რეგიონებში.
