აქტუალური
ზურაბ აბაშიძე რფ-ის წარმომადგენელს მიმდინარე კვირას შეხვდება
საქართველო, 10 დეკემბერი, საქინფორმი. საქართველოს პრემიერ-მინისტრ ბიძინა ივანიშვილის წარმომადგენელი რფ-თან ურთიერთობების საკითხებში ზურაბ აბაშიძე რუსეთის ხელისუფლების წარმომადგენლებს მიმდინარე კვირაშ შეხვდება. ამის შესახებ საქართველოს საგარეო საქმეთა მინისტრმა მაია ფანჯიკიძემ დღეს გამართულ პრესკონფერენციაზე განაცხადა. მისივე განმარტებით, შეხვედრა ევროპის ერთ-ერთ ქვეყანაში შედგება. საგარეო უწყების ხელმძღვანელის განმარტებით, რფ-ის მხარე უშუალოდ ზურაბ აბაშიძეს დაეკონტაქტა.
შეგახსენებთ, რომ რუსეთ-საქართველოს შორის დიალოგის აღდგენის აუცილებლობის შესახებ აბაშიძემ დეკემბრის დასაწყისში განაცხადა, ხოლო გუშინ, 9 დეკემბერს, რუსეთის საგარეო უწყების ხელმძღვანელმა სერგეი ლავროვმა რფ-ის პრეზიდენტის ნდობით აღჭურვილ პირებთან შეხვედრისას განმარტა, რომ რუსეთ-საქართველოს წარმომადგენლებს შორის შეხვედრა უახლოეს მომავალშია მოსალოდნელი. 
