საზოგადოება
ამერიკელი სენატორების ღია წერილი ბიძინა ივანიშვილს
საქართველო, 12 დეკემბერი, საქინფორმი. ამერიკელმა სენატორებმა საქართველოს პრემიერ-მინისტრ ბიძინა ივანიშვილს ღია წერილით მიმართეს. „ფორინ პოლისის“ მიერ გამოქვეყნებულ წერილს ხელს აწერენ სენატორები: ჯონ შეჰინი, ჯო ლიბერმანი, ჯემის რიჩი, ლინდსი გრეჰემი და ჯონ მაკეინი, რომლებიც შეშფოთებას გამოთქვამენ საქართველოში იმ პოლიტიკური ფიგურების დაკავებებითა და დაკითხვებით, ოპოზიციურ პარტიებთან რომ ასოცირდებიან.
„გწერთ, რათა გამოვხატოთ ჩვენი შეშფოთება იმასთან დაკავშირებით, რომ ეს ქმედებები შესაძლოა, პოლიტიკურად მოტივირებული იყოს და პოლიტიკური ანგარიშსწორების მიზნით ხორციელდებოდეს. გვინდა, დავრწმუნდეთ, რომ თქვენი ადმინისტრაცია ყველაფერს აკეთებს იმისათვის, რათა თავიდან აიცილოს შერჩევითი სამართალი ყოფილი ხელისუფლების წრმომადგენელთა მიმართ“, – ნათქვამია წერილში.
სენატორები შეეხნენ საქართველოს საგარეო საქმეთა მინისტრის მიერ ვაშინგტონში გაკეთებულ განცხადებასაც, სადაც მაია ფანჯიკიძემ ყოფილ მაღალჩინოსნებს „კრიმინალები“ უწოდა. სენატორთა აზრით, პირის დამნაშავეობას მხოლოდ სასამართლო ადგენს.
