აქტუალური
რფ-ის თავდაცვის მინისტრის მოადგილე საქართველოს რემილიტარიზაციით შეშფოთებულია
საქართველო, 25 დეკემბერი, საქინფორმი. რუსეთი საქართველოს შესაძლო გადაიარაღებით შეშფოთებულია. ამის შესახებ რფ-ის თავდაცვის მინისტრის მოადგილე ანატოლი ანტონოვმა ორშაბათს, 24 დეკემბერს, „რია-ნოვოსტიში“ გამართულ პრესკონფერენციაზე განაცხადა.
„მუდმივად სერიოზულ ყურადღებას ვუთმობთ საქართველოს რემილიტარიზაციის აღკვეთის საკითხებს. ამ თემას მუდმივად წამოვჭრით ჩვენს დასავლელ პარტნიორებთან ორმხრივი კონტრაქტების გაფორმებისას და, ასევე, მრავალმხრივი შეხვედრებისას. თავდაცვის მინისტრმა და გენშტაბის ხელმძღვანელმა ამ ქვეყნისთვის შეიარაღების მიწოდების საშიშროების შესახებ უკვე აღნიშნეს“, – განაცხადა ანტონოვმა.
საქინფორმის მკითხველს შევახსენებთ, რომ თებერვალში ვლადიმერ პუტინმა, რომელსაც იმჟამად რუსეთის პრემიერის პოსტი ეკავა, შეცდომად მონათლა აშშ-ის ქმედებები საქართველოს თავდაცვისუნარიანობის ამაღლებასთან დაკავშირებით და თბილისი გააფრთხილა, თავი შეიკავოს განმეორებითი აგრესიისგან.
