სამართალი
ნარკოდანაშაულისთვის დააკავეს
საქართველო, 4 იანვარი, საქინფორმი. შინაგან საქმეთა სამინისტროს ცენტრალური კრიმინალური პოლიციის თანამშრომლებმა, ჩატარებული ოპერატიული საგამოძიებო მოქმედებების შედეგად, ნარკოდანაშაულისთვის გია ს. დააკავეს.
შსს-ის ცნობით, ბრალდებულს პირადი ჩხრეკისას განსაკუთრებით დიდი ოდენობით ნარკოტიკული საშუალება – 6,75 გრამი „ჰეროინი“ აღმოაჩნდა. ნარკოლოგიურმა ექსპერტიზამ დაადგინა, რომ დაკავებული ნარკოტიკების ზემოქმედების ქვეშ იმყოფებოდა. გია ს. სამართალდამცველებმა ქუთაისი-ზესტაფონის მაგისტრალზე ოპერატიული ინფორმაციის საფუძველზე დააკავეს. გაირკვა, რომ მას ნარკოტიკული საშუალება თურქეთის რესპუბლიკიდან შემოჰქონდა.
გამოძიება სისხლის სამართლის კოდექსის 260-ე მუხლის მესამე ნაწილით მიმდინარეობს. დანაშაული 8- დან 20 წლამდე ან უვადო პატიმრობას ითვალისწინებს.
