რელიგია
სრულიად საქართველოს კათოლიკოს-პატრიარქის ვიზიტი მოსკოვში
საქართველო, 21 იანვარი, საქინფორმი. სრულიად საქართველოს კათოლიკოს-პატრიარქი ილია მეორე წმიდა სინოდის წევრებთან ერთად რუსეთის დედაქალაქში იმყოფება.
ვიზიტის ფარგლებში, ასევე, კათოლიკოს-პატრიარქს საერო და სასულიერო პირებთან რამდენიმე მნიშვნელოვანი შეხვედრა აქვს დანიშნული. შეხვედრებზე სხვადასხვა საკითხთან ერთად, ქართველი მეფეების – ვახტანგ მეექვსესა და თეიმურაზ პირველის – საქართველოში გადმოსვენებასთან დაკავშირებითაც იქნება საუბარი.
საქართველოს კათალიკოს-პატრიარქი რუსეთის პატრიარქთან ერთად ერთობლივ საზეიმო წირვაშიც მიიღებს მონაწილეობას, შეხვდება ქართული სათვისტომოს წარმომადგენლებს.
