უცხოეთი
„ობორონსერვისის“ საქმის ფიგურანტი სმეტანოვა მოქრთამვაშია ეჭვმიტანილი

1-figurantka-ucxსაქართველო, 29 იანვარი, საქინფორმი. „ობორონსერვისის“ საქმის ფიგურანტ ეკატერინა სმეტანოვას მიმართ აღძრულია საქმე კომერციული მოქრთამვის თაობაზე. არსებობს დოკუმენტური ფაქტები სმეტანოვასთვის ჩეხეთსა და ისრაელში ორი ტურისტული საგზურის გადაცემის შესახებ, რომელთა საერთო ღირებულება 500 000 რუბლია. ასევე, მას გადასცეს ორი პლანშეტური კომპიუტერი და 6 მლნ რუბლი, რომლის მიღებისასაც იგი სამართალდამცავებმა დააკავეს.

აღნიშნულის შესახებ ინფორმაციას რფ-ის შსს ავრცელებს.

ხამოვნის რაიონულმა სასამართლომ სმეტანოვას სასჯელის ზომად პატიმრობა შეუფარდა.

სმეტანოვას საქმე თავდაცვის სამინისტროში კორუფციის მასშტაბური ისტორიის მორიგ ეპიზოდად იქცა. ამჟამად ერთ წარმოებაშია გაერთიანებული  სისხლის სამართლის 5 საქმე თავდაცვის უწყების 5 თანამდებობის პირის მიმართ ჰოლდინგ „ობორონსერვისის“ მიერ სამინისტროს უძრავი ქონების დიდი ობიექტების რეალიზაციის გამო. წინასწარი მონაცემებით, ამ გარიგების შედეგად მიყენებული ზარალი 4 მლრდ დოლარს შეადგენს.