აქტუალური
ავტომფლობელთა საყურადღებოდ: დროებით თავი შეიკავეთ "GULF"-ის „super“ მარკის ბენზინის ჩასხმისაგან!
საქართველო, 30 იანვარი, საქინფორმი. როგორც დღეს საქინფორმის ჟურნალისტს „GULF“-ის ბენზინგასამართი სადგურის თანამშრომელმა შეატყობინა, კომპანია „GULF“-მა საქართველოში შემოიტანა „supper“-ის მარკის ბენზინი, რომელიც თავისი ოქტანობით აჭარბებს დადგენილ სტანდარტს და, შესაბამისად, აზიანებს ავტომანქანის ძრავას.
ამის გამო კომპანია „GULF“ უკვე იძულებული შეიქნა, კომპენსაცია გადაეხადა ავტოსატრანსპორტო საშუალების რამდენიმე მფლობელისთვის.
საქინფორმი აფრთხილებს მძღოლებს, დროებით თავი შეიკავონ „GULF“-ის ავტოგასამართ სადგურებში „super“ მარკის ბენზინის ჩასხმისაგან, სანამ კომპანიის ხელმძღვანელობა სათანადო ზომებს არ მიიღებს შემოტანილი ბენზინის ამ ბოლო პარტიასთან დაკავშირებით.
საქინფორმს „GULF“-ის სათავო ოფისში ეს ინფორმაცია დაუდასტურეს და აცნობეს, რომ ხელმძღვანელობისგან სათანადო თანხმობას ელოდებიან, რათა ორშაბათიდან – 4 თებერვლიდან – ამ მარკის ბენზინის ოქტანობა დაბალანსდეს და პრობლემა აღმოიფხვრას.
