უცხოეთი
სენატმა ჯონ კერი აშშ-ის სახელმწიფო მდივნის პოსტზე დაამტკიცა
საქართველო, 31 იანვარი, საქინფორმი. აშშ-ის კონგრესის ზედა პალატამ ხმათა უმრავლესობით მოიწონა ჯონ კერის კანდიდატურა სახელმწიფო დეპარტამენტის ხელძღვანელის პოსტზე. კერის მხარი დაუჭირა 94-მა სენატორმა, წინააღმდეგი გამოვიდა მხოლოდ სამი.
აშშ-ის პრეზიდენტმა ბარაკ ობამამ სენატორი მასაჩუსეტსის შტატიდან ჯონ კერი სახელმწიფო მდივნის პოსტზე 2012 წლის დეკემბერის შუა რიცხვებში წარადგინა. აშშ-ის საგარეო უწყების სათავეში ჯონ კერიმ ჰილარი კლინტონი შეცვალა. 
