საქართველო, 13 თებერვალი, საქინფორმი. საქართველოს იუსტიციის მინისტრი თეა წულუკიანი საპარლამენტო უმრავლესობის ერთ-ერთ ლიდერ თინა ხიდაშელის „რუსთავი 2“-ს გადაცემა „პოზიციაში“ გაჟღერებულ ფრაზას გამოეხმაურა და განაცხადა, რომ პროკურატურა იძულებული ხდება, დეპუტატები პარლამენტში დაკითხოს.

საქინფორმის მკითხველს შევახსენებთ: წუხელ ნინო შუბლაძის გადაცემა „პოზიციაში“ თინათინ ხიდაშელმა განაცხადა: „თუ კიდევ დიდი ხანი არ დაიკითხა გიორგი ღვინიაშვილი, ხვალ და ზეგ მე თვითონ მოვითხოვ პარლამენტში იუსტიციის მინისტრის და მთავარი პროკურორის მოსვლას“.

როგორც მინისტრმა აღნიშნა, თუ დეპუტატებს არ სურთ პროკურატურაში მისვლა, მაშინ პროკურატურა თავად მივა მათთან პარლამენტში: „თვითონ ამბობენ პროკურატურაში მოსვლაზე უარს. თუ ღვინიაშვილი და სხვა დეპუტატები თავს არიდებენ დაკითხვაზე მოსვლას, პროკურატურა ვერ დაიწყებს პაექრობას და, აქედან გამომდინარე, თავად მივა დასაკითხად პარლამენტში“.

წულუკიანის განმარტებით, პროკურატურა ვალდებულია, საქმე გამოიძიოს, რის გამოც დეპუტატებს რამდენჯერმე ეგზავნებათ დაკითხვაზე მოწვევა, თუმცა, „გამოძიებას სხვა გზა არ რჩება, თუ რამდენიმე მოწვევის შემდეგ დეპუტატები მაინც არ ცხადდებიან დაკითხვაზე, გამოძიება პაექრობას ვერ დაიწყებს და კანონით დადგენილი წესებით იმოქმედებს“.