უცხოეთი
კონკლავს რომის ახალი პაპი ჯერ არ აურჩევია

1ucxoet2საქართველო, 13 მარტი, საქინფორმი. ვატიკანში მიმდინარე კონკლავში კენჭისყრის მეორე და მესამე ტურები, სადაც რომის 226-ე პაპი უნდა აირჩიონ, უშედეგოდ დასრულდა – სამოციქულო სასახლის სიქსტის კაპელის სახურავზე მდებარე საკვამურიდან შავი კვამლი ამოდის. რომის კათოლიკური ეკლესიის ახალი წინამძღვრის არჩევას კი თეთრი კვამლი იტყობინება.

კონკლავში კარდინალთა კოლეგიის 115 წევრი მონაწილეობს, რომლებმაც საზეიმო ფიცი დადეს, რომ საიდუმლოდ შეინახავენ ყველაფერს, რაც რომის პაპის არჩევნებს ეხება. სამოციქულო ტახტის დასაკავებლად ხმათა ორი მესამედია საჭირო, ანუ მომავალ პონტიფოკოსს კონკლავის არანაკლებ 77 წევრმა უნდა მისცეს ხმა.