პოლიტიკა
ქართული სატელევიზიო კომპანიების ნამდვილი მფლობელები დაასახელეს
საქინფორმისთვის ცნობილი ხდება, რომ ლეიბორისტები მედიასაშუალებების დაფინანსების წყაროებისა და მფლობელების ვინაობის საჯაროობის შესახებ პარლამენტის თავმჯდომარის დავით ბაქრაძის ინიციატივას გამოეხმაურნენ და ქართული სატელევიზიო კომპანიების მფლობელებს ასახელებენ.
პარტიის ერთ-ერთი ლიდერის, სოსო შატბერაშვილის განცხადებით, ტელეკომპანია „რუსთავი 2“-ის ოფიციალური მესაკუთრე პრეზიდენტი მიხეილ სააკაშვილია: „ჩემი ინფორმაციით, „რუსთავი 2“-ის მფლობელობის დოკუმენტაცია სააკაშვილს საკუთარ სეიფში აქვს საიმედოდ შენახული და არავის ანდობს. აღნიშნული ტელეკომპანია „საზოგადოებრივ არხთან“ ერთად უშუალოდ საქართველოს ბიუჯეტიდან ფინანსდება“,- ამტკიცებს შატბერაშვილი.
„იმედის" უკან ოფიციალურად ებრაული ჯგუფი დგას, მაგრამ ეს - მხოლოდ საზოგადოებისთვის თვალის ასახვევად, რეალურად კი მას შს მინისტრი ვანო მერაბიშვილი ფლობს; „აჭარის“ ტელევიზიას კი აჭარის მთავრობის ხელმძღვანელი ლევან ვარშალომიძე აკონტროლებს“, - განმარტავს შატბერაშვილი.
