უცხოეთი
სახალხო სეირნობა სამხედრო აღლუმის ნაცვლად

MISHAსაქართველო, 12 აპრილი, საქინფორმი. „ქართულმა ოცნებამ“ მიხეილ სააკაშვილს შესაძლებლობა წაართვა, პრეზიდენტისა და უმაღლესი მთავარსარდლის რანგში ბოლო სამხედრო აღლუმი ჩაიბაროს. „საქართველო ის ქვეყანა არაა, რომელმაც სამხედრო ძალის დემონსტრირება უნდა მოახდინოს“, - განმარტა თავისი გადაწყვეტილება პრემიერ-მინისტრმა ივანიშვილმა და აღნიშნა, რომ ეს გადაწყვეტილება ერთპიროვნულად კი არა, კაბინეტის წევრებთან მოთათბირების შედეგად მიიღო.

როგორც პარლამენტის ვიცე-სპიკერმა ზვიად ძიძიგურმა „იზვესტიას“ განუცხადა, „დამოუკიდებლობის დღის კონცეფცია უნდა შეიცვალოს... საჭირო არ არის აქცენტის გაკეთება სამხედრო აღლუმზე. ვის გავაკვირვებთ მსოფლიოში სამხედრო ძალით, ანდა რომელი დიდი გამარჯვებები უნდა ვიზეიმოთ?“, - აღნიშნა მან.

ამასთან, 26 მაისს, როგორც თავდაცვის მინისტრმა ირაკლი ალასანიამ განაცხადა, „შთამბეჭდავი და ლამაზი დღესასწაულის შემადგენელი სამხედრო კომპონენტიც იქნება“.

„იზვესტიის“ წყაროს ცნობით, 26 მაისს რუსთაველზე სამხედრო აღლუმი ნამდვილად არ ჩატარდება.

aghlumi-ucx2