საზოგადოება
ბიძინა ივანიშვილმა ქველმოქმედებაზე 1 მილიარდ 608 მილიონ 81 ათას 151 ლარი დახარჯა
საქართველო, 2 მაისი, საქინფორმი. ფონდ “ქართუს” 2005-2010 წლებში ქველმოქმედების სახით დახარჯული აქვს 966 565 155 ლარი, “ისტორიულ ძეგლთა დაცვისა და გადარჩენის ფონდს” – 56 186 113 ლარი, ხოლო ასოციაცია “ატუს” – 133 329 883 ლარი.
ეს ინფორმაცია „ქართუ“ ჯგუფის პრესსამსახურმა „ექსპრესნიუსს“ მოთხოვნის შემდეგ მიაწოდა.
ქველმოქმედება ბიძინა ივანიშვილის ფონდების – “ქართუს”, “ისტორიულ ძეგლთა დაცვისა და გადარჩენის ფონდის” და ასოციაცია “ატუს” მეშვეობით ხორციელდებოდა და ჯამში, საქინფორმის გამოთვლით, 1 მილიარდ 608 მილიონ 81 ათას 151 ლარს შეადგენს.
თანხა კულტურის, ხელოვნების, სპორტის, მედიცინის, მეცნიერების, განათლების, სოფლის მეურნეობისა და სოციალურად დაუცველ პირთა დასახმარებლად გადანაწილდა.
