საზოგადოება
აქცია „დააბრუნეთ ქართველი სამხედროები საქართველოში“
საქართველო, 7 ივნისი, საქინფორმი. ავღანეთიდან ქართული ჯარების გამოყვანის მოთხოვნით შაბათს, 8 ივნისს, თბილისში აქცია გაიმართება. აქცია სოციალურ ქსელ „ფეისბუქში“ დაიგეგმა ჰელმანდში გუშინ მომხდარი ტერაქტის შემდეგ.
„ფეისბუქის“ მომხმარებლები ლოზუნგით "დააბრუნეთ ქართველი სამხედროები საქართველოში" რუსთაველის გამზირზე, პარლამენტის ყოფილ შენობასთან 15 საათზე შეიკრიბებიან. ამ დროისთვის აქციაში მონაწილეობის სურვილი 7000-ზე მეტმა ადამიანმა გამოთქვა.
„აქცია იქნება მდუმარე, არანაირი პროპაგანდა, არანაირი პოლიტიკა. ჩვენი მიზანია ქართველი სამხედრების სიცოცხლის დაცვა და არა რუსეთ-ნატოს ინტერესების განხილვა“, - ნათქვამია აქციის ორგანიზატორთა განცხადებაში.
