უცხოეთი
მეჰრიბან ალიევა აზერბაიჯანის პრეზიდენტობის კანდიდატია

1-alievaსაქართველო, 24 ივნისი, საქინფორმი. ქვეყნის პირველი ლედის კანდიდატურა შემოდგომის საპრეზიდენტო არჩევნებზე პროსამთავრობო პარტიამ „მშვიდობა დემოკრატიულ აზერბაიჯანს“ წამოაყენა. ინფორმაცია ამის შესახებ საიტმა veteninfo.az-მა გაავრცელა, სადაც პარტიის კონფერენციიდან ვიდეორგოლიც განთავსდა.

აღსანიშნავია, რომ დამოუკიდებლად ვერც ერთი პროსამთავრობო პარტია ვერ გაბედავდა პირველი ლედის კანდიდატურის წამოყენებას, თუ ამის შესახებ შესაბამის ბრძანებას ‘ზემოდან“ არ მიიღებდა. საგულისხმოა ასევე, რომ მეჰრიბან ალიევა მმართველი პარტია „ენი აზერბაიჯანის“ ვიცე-თავმჯდომარეა.

შეგახსენებთ, რომ აზერბაიჯანის საპრეზიდენტო არჩევნები მიმდინარე წლის 16 ოქტომბერს გაიმართება.