პოლიტიკა
პოლიტიკური პარტიების დაფინანსების ახალ მოდელს ქუცნაშვილი პარლამენტში დღეს წარადგენს
საქართველო, 30 ივლისი, საქინფორმი. საარჩევნო საკითხებზე მომუშავე ინტერფრაქციული ჯგუფის ხელმძღვანელი ზაქარია ქუცნაშვილი პოლიტიკური პარტიების დაფინანსების ახალ მოდელს პარლამენტში დღეს წარადგენს.
ქუცნაშვილის განმარტებით, დაფინანსების შემოთავაზებული პრინციპის მიხედვით, 7 საპარლამენტო პარტია სახელმწიფო ბიუჯეტიდან დამატებით 300-300 ათას ლარს მიიღებს, ხოლო 7 არასაპარლამენტო პარტიიდან თითოეული, რომელმაც საარჩევნო ბარიერი ცალ-ცალკე ვერ გადალახა - 150-150 ათას ლარს. ეს კვალიფიციური სუბიექტები არიან: „ახალი მემარჯვენეები,“ „საქართველოს გზა,“ „სამართლიანი საქართველოსთვის,“ „ქრისტიან-დემოკრატები“, „ევროპელი დემოკრატები“ და „ხალხის პარტია“.
მისივე განმარტებით, შვიდი საპარლამენტო პარტიისთვის სახელმწიფო ბიუჯეტიდან დამატებით 2 მილიონ 100 ათასი ლარი გამოიყოფა, ხოლო შვიდი არასაპარლამენტო პარტიისთვის – 1 მილიონ 50 ათასი ლარი.
