პოლიტიკა
რიჩარდ ნორლანდი: „სუვერენული ტერიტორიის არალეგალურ ოკუპირებას გამართლება არ აქვს“
საქართველო, 5 აგვისტო, საქინფორმი. საქართველოში ამერიკის შეერთებული შტატების ელჩი რიჩარდ ნორლანდი რფ-ის პრემიერ-მინისტრ დიმიტრი მედვედევის გუშინდელ ინტერვიუს გამოეხმაურა, რომელიც მან ტელეარხ Russia Today-ს მისცა და განაცხადა, რომ 2008 წლის აგვისტოს ომთან დაკავშირებით ყველა აღიარებს, რომ შეცდომები ორივე მხარის მიერ იქნა დაშვებული.
"ჩვენი ყურადღება მიმართულია ჟენევის საერთაშორისო მოლაპარაკებებზე, მაგრამ მოკლევადიან პერსპექტივაში მნიშვნელოვანია ჰუმანიტარული ასპექტები, რომ ადამიანებმა ადმინისტრაციული საზღვარი დაბრკოლების გარეშე გადალახონ. არა მგონია, თანამედროვე სახელმწიფოში ბერლინის კედლისთვის იყოს ადგილი", - განაცხადა რიჩარდ ნორლანდმა.
