პოლიტიკა
ომის ვეტერანები „ქართულ პარტიაში“ ერთიანდებიან
როგორც თავად პარტიაში საქინფორმს განუცხადეს, ამის შესახებ ოფიციალური განცხადება დღეს, „ქართული პარტიის“ ლიდერებსა და ვეტერანებს შორის შეხვედრის დასრულების შემდეგ გაკეთდება. წინასწარი ინფორმაციით, ომის ვეტერანთა ორგანიზაციიდან ქართულ პარტიაში 3-4 წევრი გადავა.
რაც შეეხება თავად შეხვედრას, იგი მერაბ ბერძენიშვილის კულტურის ცენტრ „მუზაში“ 15:00 საათისთვისაა დაგეგმილი. შეხვედრაზე პარტიის ლიდერები ვეტერანებს საკუთარ გეგმებსა და ხედვებს გააცნობენ. შეგახსენებთ, რომ რამდენიმე დღის წინათ „ქართულ პარტიას“ „საზოგადოებრივი დარბაზის“ წევრები შეუერთდნენ.
