უცხოეთი
ლავროვმა კერი სირიაში შესაძლო ინტერვენციის შედეგების თაობაზე გააფრთხილა

1-ucx-siriaსაქართველო, 26 აგვისტო, საქინფორმი. რფ-ის საგარეო საქმეთა სამინისტროს ხელმძღვანელმა სერგეი ლავროვმა აშშ-ის სახელმწიფო მდივან ჯონ კერისთან სატელეფონო საუბარში აღნიშნა, რომ სირიაში შესაძლო სამხედრო ინტერვენცია მთელი ახლო აღმოსავლეთისათვის უკიდურესად სახიფათო შედეგების შემცველია.

„ამასთან, განსაკუთრებულ გაკვირვებას იწვევს ადმინისტრაციის ცალკეული წარმომადგენლების მიერ, აღმოსავლეთ გუტაში ქიმიური იარაღის სავარაუდო გამოყენებით  მომხდარ ინციდენტში სირიის მთავრობის თანამონაწილეობის ვითომდა „მტკიცებულების“ მოშველიება“, - ნათქვამია რფ-ის საგარეო საქმეთა სამინისტროს საიტზე განთავსებულ განცხადებაში.

რუსეთის მხარემ მოუწოდა აშშ-ს, თავი შეიკავოს დამასკოზე  ძალისმიერი ზეწოლისგან, არ წამოეგოს პროვოკაციებზე და ნორმალური პირობების შექმნის მხარდაჭერისკენ მიისწრაფოდეს, რათა ამჟამად ქვეყანაში მყოფი გაეროს ექსპერტების მისიას ადგილებზე დეტალური, ობიექტური და მიუკერძოებელი გამოძიების წარმოების საშუალება ჰქონდეს.