საზოგადოება
გრიგორი კარასინი: „ინტერვენცია სირიაში კავკასიაში არსებულ სიტუაციაზეც აისახება“
საქართველო, 6 სექტემბერი, საქინფორმი. სირიის ტერიტორიაზე სრულმასშტაბიანი სამხედრო ოპერაცია გარდუვალად აისახება მთელ რეგიონზე, ახლო და შუა აღმოსავლეთის ჩათვლით, ასევე კავკასიის რესპუბლიკებზეც, - ამის შესახებ რფ-ის საგარეო საქმეთა მინისტრის მოადგილე გრიგორი კარასინმა განაცხადა. მისი აზრით, ეს ავნტიურა დაუსჯელად არ ჩაუვლის ევროპულ ქვეყნებსა და მთლიანად მსოფლიოს.
„მარტო კავკასიას არ ემუქრება ნეგატიური შედეგები, რომლებსაც სირიაში გაეროს არასანქცირებული ძალისმიერი სცენარის გამოა მოსალოდნელი. დარწმუნებული ვარ, დაზარალდება არა მარტო კავკასია, არამედ ახლო, შუა აღმოსავლეთი, რასაც გამოძახილი მოჰყვება მთელ მსოფლიოში. და აქ საუბარი არაა რუსეთის, ჩინეთის, ირანის და არაბული აღმოსავლეთის რიგი ქვეყნების პოზიციაზე“, - განუცხადა კარასინმა ინტერნეტ-გამოცემა “Russia Direct”-ს.
რაც შეეხება ევროპას, კარასინი დარწმუნებულია, რომ მისთვის უკვალოდ არ ჩაუვლია ერაყის გაკვეთილს, ამჯერად კი ყველაფერი შესაძლოა გაცილებით მტკივნეულად მოხდეს. მისი აზრით, ეს თვალსაჩინოდ უჩვენა დიდი ბრიტანეთის პარლამენტმაც, რომელმაც ამ დღეებში უარი განაცხადა სირიაში სამხედრო ოპერაციის მხარდაჭერაზე.
