უცხოეთი
„ა-სტუდიოს“ სოლისტი ქეთა თოფურია ლეოპარდის პრინტიანი კედებით გათხოვდა

keta-zarub-3საქართველო, 11 სექტემბერი, საქინფორმი. გასულ უქმეებზე ჯგუფ „ა-სტუდიოს“ სოლისტი ქეთა თოფურია ნანატრი პატარძლის სტატუსს გამოემშვიდობა: 26 წლის მომღერალი ცოლად გაჰყვა თავის ბოიფრენდს, 39 წლის მოსკოველ ბანკირ ლევ გეიხმანს. წყვილი უკვე რამდენიმე წელია ერთადაა და აი, ბოლოს და ბოლოს, ახალგაზრდებამ გადაწყვიტეს, ურთიერთობა დააკანონონ. საქმრომ და საცოლემ მდიდრული ბანკეტი 7 სექტემბერს გამართეს და მოსკოვის კუტუზოვის რაიონის მმაჩში პასპორტებში შტამპის ჩასარტყმელად მივიდნენ.

ცერემონია ძალიან მოკრძალებული იყო - ახალდაქორწინებულებმა მხოლოდ უახლოესი მეგობრები და ნათესავები მიიწვიეს. საქმროცა და საცოლეც უჩვეულოდ გამოიყურებოდნენ: ქეთი მმაჩში მოკლე პალტოში გამოცხადდა, რომლის ქვეშ – ყვავილებიანი მინი კაბა, ხოლო ფეხზე ლეოპარდის პრინტიანი კედები ემოსა. საზეიმო კოსტიუმი არც საქმროს ეცვა: ლევს შავი პიჯაკი და ჩვეულებრივი თეთრი მაისური ეცვა. თანხმობის გამოცხადებისა და სარეგისტრაციო წიგნში ხელმოწერის შემდეგ ახალდაქორწინებულებმა, შეძახილების თანხლებით: „გორკო“, ერთმანეთს აკოცეს და შენობა დატოვეს. ახალგამომცხვარი ცოლ-ქმრის ფოტო ინსტაგრამზე თოფურიას მეგობარმა გამოაქვეყნა წარწერით: „აღსრულდა!“.

keta-zarub-3-1