საქართველო, 2 ოქტომბერი, საქინფორმი. საქართველოს პრეზიდენტის არჩევნებთან დაკავშირებით, რომელიც ამა წლის 27 ოქტომბერს გაიმართება, ცესკომ გამოაქვეყნა ინფორმაცია, თუ უცხოეთის რომელ ქვეყნებში გაიხსნება საარჩევნო უბნები საქართველოს მოქალაქეებისათვის. ინფორმაციიდან ცხადია, რომ რფ-ის ტერიტორიაზე შარშანდელივით კვლავაც არ იქნება არც ერთი საარჩევნო უბანი. შესაბამისად, რუსეთის ტერიტორიაზე მყოფი სამცხე-ჯავახეთის მხარის მცხოვრებლები, საქართველოს სხვა მრავალ მოქალაქესთან ერთად, ვერ შეძლებენ თავისი კონსტიტუციური უფლების განხორციელებას.

არსებულ ვითარებასთან დაკავშირებით ჩვენ მოვუწოდებთ საქართველოს ხელისუფლებას:

არჩევნებამდე დარჩენილი დროში ყველაფერი იღონოს, რათა რუსეთის ტერტორიაზე მცხოვრებმა საქართველოს მოქალაქეებმა კენჭისყრის საშუალება მიიღონ;

გაეგზავნოს განაცხადი რუსეთის ხელისუფლებას რფ-ის ტერიტორიაზე საარჩევნო უბნების გახსნის ნებართვის თხოვნით;

დაუყოვნებლივ დაიწყოს მოლაპარაკებები რუსეთის მხარესთან ყველა ორგანიზაციული პრობლემის აღმოსაფხვრელად და საქართველოს მოქალაქეებისათვის მომავალ არჩევნებზე კენჭისყრის საკითხთა გადაწყვეტის „გზამკვლევის“ შესამუშავებლად;

აუცილებლობის შემთხვევაში წარმოქმნილი პრობლემების გადაჭრის მცდელობები მესამე მხარის მეშვეობით განხორციელდეს.

წინააღმდეგ შემთხვევაში ჩვენ წინდაწინ ვაცხადებთ, რომ უფლებას ვიტოვებთ:

სარჩელი შევიტანოთ საქართველოს საკონსტიტუციო სასამართლოში ქვეყნის კონსტიტუციით გარანტირებული მოქალაქეთა უფლებების უხეშ დარღვევებთან დაკავშირებით;

მივმართოთ საერთაშორისო ორგანიზაციებს საქართველოს მოქალაქეების მიერ კენჭისყრის კონსტიტუციური უფლების რეალიზაციის საქმეში დახმარების თხოვნით;

წინასწარ განვაცხადოთ სამცხე-ჯავახეთის მხარეში მომავალი საპრეზიდენტო არჩევნების არალეგიტიმურობისა და არასამართლიანობის შესახებ.

რუსეთის ჯავახკის დიასპორა