უცხოეთი
მსოფლიო ბანკის ხელმძღვანელმა აშშ მოსალოდნელი ეკონომიკური კატასტროფის შესახებ გააფრთხილა

1-ucx-glava-vbსაქართველო, 14 ოქტომბერი, საქინფორმი. მსოფლიო ბანკის ხელმძღვანელმა ენ კიმმა ამერიკელ კანონმდებლებს მოუწოდა, უახლოეს დღეებში სახელმწიფო ვალის ზედა ზღვრის აწევასთან დაკავშირებით შეთანხმებას მიაღწიონ, რათა არ წარმოიქმნას გლობალური ეკონომიკური კატასტროფის საფრთხე.

უკიდურესი ვადა, როდესა აუცილებელია კანონმდებლობით დადგენილი სახელმწიფო ვალის ლიმიტის დადგენა, ხუთშაბათს იწურება, თუმცა, პოლიტიკოსებმა ვაშინგტონში ჯერჯერობით ვერ მოახერხეს კრიზისიდან გამოსვლის ღონისძიებების შეთანხმება.

„რაც უფრო ახლოვდება უკიდურესი ვადა, მით უარესი იქნება შედეგები განვითარებადი მსოფლიოსათვის. უმოქმედობის გამო შესაძლოა აიწიოს საპროცენტო განაკვეთებმა, შენელდება ეკონომიკური განვითარება. თუ უკიდურესი ვადაც გაივლის, ეს შესაძლოა კატასტროფა აღმოჩნდეს განვითარებადი ქვეყნებისათვის, რაც, თავის მხრივ, უზარმაზარ ზიანს მიაყენებს განვითარებულ ეკონომიკებს“, - განაცხადა მსოფლიო ბანკის პრეზიდენტმა.