უცხოეთი
ონიშჩენკო ქართულ მხარეს ამერიკული ბიოლაბორატორიის დახურვას სთავაზობს

1-ucx-3-genadi-oniSსაქართველო, 15 ოქტომბერი, საქინფორმი. „როსპოტრებნადზორის“ ხელმძღვანელის გენადი ონიშჩენკო განცხადებით, საქართველოში აშშ-ის დახმარებით დაარსებული ბიოლაბორატორია შესაძლოა რუსეთის წინააღმდეგ დივერსიისთვის იქნეს გამოყენებული. ამის შესახებ ინფორმაციას „ინტერფაქსი“ ავრცელებს.

ჩვენ კიდევ ერთხელ გამოვხატავთ შეშფოთებას საქართველოში არსებულ ლაბორატორიასან დაკავშირებით, რომელსაც საქართველო ვერ აკონტროლებს. ჩვენი შეფასებით, ეს ლაბორატორია აშშ-ის სამხედრო-ბიოლოგიური პოტენციალის ერთ-ერთი მნიშვნელოვანი ობიექტია“, - განაცხადა ონიშჩენკომ.

მისივე თქმით, საქართველოში ამ ლაბორატორიის გახსნა ადასტურებს, რომ აშშ არღვევს თავის საერთაშორისო ვალდებულებებს, კერძოდ, ბიოლოგიური და ტოქსიკური იარაღის შესახებ კონვენციას, რის გამოც იგი საქართველოს პრობლემის გადაჭრის რადიკალურ გზას - ლაბორატორიის დახურვას სთავაზობს.

გასულ ზაფხულს აშშ-ის ლაბორატორიის მუშაობის შესახებ შეშფოთება რუსეთის საგარეო საქმეთა სამინისტრომაც გამოხატა. ამასთან, ამა წლის ივლისში ონიშჩენკომ განაცხადა, რომ რუსეთში ღორების „აფრიკული ჭირი“ სწორედ საქართველოდან შეიტანეს. უწყების ხელმძღვანელის თქმით, ის საქართველოში მდებარე აშშ-ის სამხედრო-საზღვაო ძალების ბიოლაბორატორიაში იქნა სინთეზირებული.

ონიშჩენკოს სიტყვები უარყო  აშშ-ის ელჩმა საქართველოში რიჩარდ ნორლანდმა, რომლის თქმითაც, ლაბორატორია საქართველოს ჯანდაცვის სამინისტროს ერთ-ერთი დეპარტამენტია.