უცხოეთი
სნოუდენი რუსეთის წინააღმდეგ სადაზვერვო საქმიანობის მონაცემებს ფლობს

snoudenსაქართველო, 25 ოქტომბერი, საქინფორმი. ცსს-ს ექსთანამშრომელი ედვარდ სნოუდენი, რომელიც აშშ-დან გაიქცა და რფ-ში დროებითი თავშესაფარი მიიღო, რუსეთის წინააღმდეგ სადაზვერვო საქმიანობის შესახებ მონაცემებს ფლობს. ამის შესახებ გაზეთი „ვაშინგტონ პოსტი“ იუწყება.

გამოცემის ცნობით, ამერიკის ხელისუფლება ამჟამად აფრთხილებს რიგი უცხოური ქვეყნების დაზვერვებს, რომლებთანაც საიდუმლოდ თანაშრომლობს, რომ სნოუდენის ხელთ არსებული ზოგიერთი დოკუმენტი ხსენებული სპეცსამსახურების მიერ რუსეთზე, ირანსა და ჩინეთზე მონაცემების შეგროვების თაობაზე ინფორმაციას შეიცავს.

კერძოდ, შესაძლოა გასაჯაროვდეს ინფორმაცია იმის შესახებ, თუ როგორ აგროვებდა ნატოს ერთ-ერთი წევრი ქვეყანა აშშ-ის სამხედრო-საჰაერო და სამხედრო-საზღვაო ძალებისათვის მნიშვნელოვან სადაზვერვო მონაცემებს რუსეთის შესახებ, - იტყობინება გაზეთი ადმინისტრაციაში საკუთარ ანონიმურ წყაროზე დაყრდნობით.

„თუ რუსებმა ამის შესახებ შეიტყვეს, მათთვის რთული არ იქნება უკუქმედების შესაბამისი ზომების მიღება“, - განაცხადა ჩინოვნიკმა.