პოლიტიკა
„ძლიერი დემოკრატიული ერთიანობა საქართველოსთვის“ - ირაკლი ღარიბაშვილმა პარლამენტს მომავალი მინისტრთა კაბინეტი წარუდგინა
საქართველო, 19 ნოემბერი, საქინფორმი. მთავრობის მომავალი წევრები და სამთავრობო პროგრამა ნდობის მისაღებად პარლამენტს ოფიციალურად წარედგინა. პროგრამა სახელწოდებით „ძლიერი დემოკრატიული ერთიანობა საქართველოსთვის“ და მომავალი მინისტრთა კაბინეტი, რომლის ერთადერთი ახალი წევრი შს მინისტრის პოსტზე დასახელებული ალექსანდრე ჭიკაიძეა, პარლამენტს პრემიერ-მინისტრობის კანდიდატმა ირაკლი ღარიბაშვილმა წარუდგინა.
ამ წუთებში მინისტრების მოვალეობის შემსრულებლები პარლამენტარებს შესაბამისი დარგის კომიტეტებში ხვდებიან და სამოქმედო გეგმას აცნობენ. ეს განხილვები დღის პირველ ნახევარში გაგრძელდება. შესვენების შემდეგ კი გაიმართება შეხვედრები უმრავლესობასა და უმცირესობასთან.
ძალოვანი უწყებებისა და ეკონომიკური ბლოკის მინისტრები უკვე იმყოფებიან საკანონმდებლო ორგანოში. სხდომის დაწყებამდე მათი მხრიდან გაკეთდა განცხადებები იმ პრიორიტეტებზე, რომლებზე მუშაობასაც მომდევნო რამდენიმე წლის განმავლობაში აპირებენ.
