საქართველო, 28 ნოემბერი, საქინფორმი. „პრაიმ-ტაიმის“ პრესკლუბში დღეს გამართულ ბრიფინგზე „თავისუფალი საქართველოს“ პოლიტიკურმა მდივანმა თენგიზ ომანიძემ მედიას თვითმმართველობის კოდექსში შესატანი ცვლილებები გააცნო.

პროცედურები:

1. უპირველესად კოდექსი უნდა განიხილოს ინტერპარტიულმა ჯგუფმა, მოეწყოს ფართო დისკუსია და შემდეგ გაიმართოს საპარლამენტო განხილვა;

2. წარმოდგენილი იქნეს ვადებში გაწერილი სამოქმედო გეგმა: როდის მოხდება კანონის მიღება, როდის დაიყოფა საზღვრები და როდის ჩატარდება არჩევნები;

3. პარალელურად დაიწყოს საარჩევნო კოდექსზე მსჯელობა ინტერპარტიულ ფორმატში.

არსებითი შენიშვნები:

4. ტერიტორიული მოწყობის პრინციპები  უნდა იყოს ასახული კონსტიტუციაში, ხოლო საზღვრები უნდა დადგინდეს კანონით და არა მთავრობის დადგენილებით;

5. რეგიონულ დონეზე არ უნდა შეიქმნას არც არჩევითი, არც წარმომადგენლობითი და არც აღმასრულებელი ორგანოები;

6. მუნიციპალური საზღვრების შეცვლა უნდა მოხდეს ეტაპობრივად, ადგილობრივი საკრებულოების ინიციატივით. ამ ეტაპზე მიზანშეწონილად მიგვაჩნია ზუგდიდის და გორის ცალკე თვითმმართველ ქალაქებად გამოყოფა;

7. პრინციპულად დაუშვებლად მიგვაჩნია ეთნიკური ნიშნით ახალი მუნიციპალიტეტების ფორმირება აღმოსავლეთ საქართველოში, რაც გარდაუვალია რაიონების დაყოფის შემთხვევაში;

8. მუნიციპალიტეტების ეტაპობრივი დაყოფის დროს გათვალისწინებული უნდა იქნეს, რომ არსებითად არ გაიზარდოს სახელმწიფო ბიუროკრატიული ხარჯები და მოსახლეობას არ გაუძნელდეს ახალ ცენტრებთან კომუნიკაცია;

9. გაუგებარია, რატომ აირჩევა 3 წლით საკრებულოები და მერები;

10. შენარჩუნებული უნდა იქნეს ფრაქციების პოლიტიკური სტატუსი;

11. სოფლის მამასახლისი არჩეულ იქნეს მოსახლეობის მიერ პირდაპირი კენჭისყრის წესით;