პოლიტიკა
საქართველოს პრეზიდენტი მოლდოვის რესპუბლიკის პარლამენტის თავმჯდომარეს შეხვდა
საქართველო, 18 დეკემბერი, საქინფორმი. საქართველოს პრეზიდენტი გიორგი მარგველაშვილი მოლდოვის რესპუბლიკის პარლამენტის თავმჯდომარეს იგორ კორმანს შეხვდა.
გიორგი მარგველაშვილმა იგორ კორმანს დაბადების დღე მიულოცა და წარმატებები უსურვა.
„საქართველო და მოლდოვა ვილნიუსში მიღებული გადაწყვეტილებების ფარგლებში ლიდერები არიან იმ პროცესისა, რომელსაც ევროპის გაფართოება ჰქვია. ეს ერთდროულად ახალი გამოწვევაა ჩვენი ქვეყნებისთვის. პრინციპულად მნიშვნელოვანია, რომ საქართველოსა და მოლდოვას შორის მომავალ წელს მჭიდრო ურთიერთობა იყოს. შეხვედრაზე განვიხილეთ ჩვენს ქვეყნებს შორის დაგეგმილი თანამშრომლობა, რათა მომავალ წელს საქართველოსა და მოლდოვასთვის სტრატეგიულად მნიშვნელოვანი გადაწყვეტილებები იქნეს მიღებული“, -განაცხადა გიორგი მარგველაშვილმა.
