პოლიტიკა
“თეთრი ცხელება თეთრ სახლში: ობამამ პუტინს განუცხადა, რომ აშშ არასოდეს აღიარებს ყირიმის რეფერენდუმის შედეგებს”
საქართველო, 14 მარტი, საქინფორმი. აშშ-ის პრეზიდენტმა ბარაკ ობამამ რუსეთის პრეზიდენტ ვლადიმერ პუტინთან ტელეფონით საუბრისას განაცხადა, რომ “ყირიმში რეფერენდუმის შედეგები არასოდეს იქნება აღიარებული შეერთებული შტატების და საერთაშორისო საზოგადოების მიერ”. აშშ-ის პრეზიდენტმა დაადასტურა, რომ ყირიმში ნახევარკუნძულის სტატუსის საკითხზე ჩატარებულ ხმის მიცემას “უკრაინის კონსტიტუციის დარღვევად” მიიჩნევს (კრემლის პრესსამსახურმა გამოაცხადა, რომ სახელმწიფოს მეთაურთა საუბარი ამერიკული მხარის ინიციატივით შედგა).
სახელმწიფოს მეთაურებმა აღნიშნეს, რომ “შეფასებებში არსებული განსხვავებების მიუხედავად, აუცილებელია ერთობლივად მოიძებნოს გზები უკრაინაში მდგომარეობის სტაბილიზაციის ხელშეწყობისთვის”. ამ კონტექსტში განხილული იქნა ყირიმში ეუთოს მონიტორინგის მისიის გაგზავნის შესაძლებლობა. რუსეთის პრეზიდენტის აზრით, ამგვარი მისიის საქმიანობა უკრაინის ყველა რეგიონზე უნდა გავრცელდეს.
