საქართველო, 21 მარტი, საქინფორმი. ევროკავშირის ლიდერებმა გადაწყვიტეს, რუსეთის წინააღმდეგ სანქციების მეორე დონეზე გადავიდნენ. სიაში მოხვდა 33 კაცი, - ამის შესახებ საფრანგეთის პრეზიდენტმა ფრანსუა ოლანდმა განაცხადა.

„ევროკავშირმა სანქციების მეორე დონეზე გადასვლა გადაწყვიტა. ეს შეეხება ადამიანების გარკვეულ რიცხვს თავისუფალი გადაადგილების, ვიზებისა და ასევე ფინანსების კუთხით. ამ სიაში 33 კაცი მოხვდება“, - განაცხადა ოლანდმა ბრიუსელში ევროკავშირის სამიტის პირველი სამუშაო დღის დასრულებისას.

მან აღნიშა, რომ ევროკომისიამ დაიწყო „მესამე დონის“ - ეკონომიკური სანქციების მზადებაც, რომელთა შემოღებას ჯერ არ ჩქარობენ სიტუაციის გაუმჯობესების იმედით.