სამართალი
2008-2013 წლებში საქართველოს კულტურისა და ძეგლთა დაცვის სამინისტროს მაღალი თანამდებობის პირებზე 3 583 355 ლარი გაიცა
საქართველო, 17 აპრილი, საქინფორმი. არასამთავრობო ორგანიზაცია „ადამიანი, კანონი, თავისუფლებამ“ მაღალი საზოგადოებრივი ინტერესის გათვალისწინებით დაიწყო ფართომასშტაბიანი კვლევა ყოფილი და ამჟამინდელი მაღალი თანამდებობის პირების შემოსავლების შესახებ.
კვლევამ გამოავლინა, რომ 2008-2013 წლებში კულტურისა და ძეგლთა დაცვის სამინისტროში მინისტრებზე, მინისტრის მოადგილეებზე და დეპარტამენტის უფროსებზე ხელფასის, პრემიის და დანამატის სახით გაიცა 3 583 355 ლარი, საიდანაც ხელზე გაცემულია 2 866 684 ლარი. ხელფასების ოდენობა წლების მიხედვით შემდეგნაირად გამოიყურება: 2008 წელს ანაზღაურებამ შეადგინა 451 585,14 ლარი, საიდანაც ხელზე (საშემოსავლოს გარეშე) გაცემულია 361 268,11 ლარი; 2009 წელს - 588 811,89 ლარი, მათ შორის ხელზე - 471 049,51 ლარი; 2010 წელს - 607 508,01 ლარი, ხელზე - 486 006,41 ლარი; 2011 წელს - 717 784,21 ლარი, ხელზე - 574 227,37 ლარი; 2012 წელს - 642 021,46, ხელზე - 513 617,17 ლარი; 2013 წელს - 575 644,29 ლარი, ხელზე - 460 515,43 ლარი.
კულტურისა და ძეგლთა დაცვის სამინისტროს ხელფასების, პრემიების და დანამატების ანალიზმა გამოკვეთა არაერთი მნიშვნელოვანი დარღვევა, რომლებსაც დაწვრილებით შეგიძლიათ გაეცნოთ ორგანიზაციის ოფიციალურ ვებ გვერდზე www.hlf.ge.
