პოლიტიკა
საქართველოს, აზერბაიჯანისა და თურქეთის პრეზიდენტების სამმხრივი შეხვედრა
საქართველო, 7 მაისი, საქინფორმი. „თბილისის სამიტი 2014“-ის დასრულების შემდეგ სამი ქვეყნის პრეზიდენტებმა სამმხრივი შეხვედრა გამართეს. ლიდერებმა ქვეყნებს შორის ურთიერთობის შესახებ ისაუბრეს და თანამშრომლობის გაღრმავების აუცილებლობაზე იმსჯელეს.
შეხვედრისას მხარეებმა ეკონომიკური საკითხები განიხილეს და აღნიშნეს, რომ მნიშვნელოვანია ინვესტიციების ზრდა. მათ იმ პროექტებზეც გაამახვილეს ყურადღება, რომლებსაც საქართველო, თურქეთი და აზერბაიჯანი ერთობლივად ახორციელებენ, კერძოდ, საუბარი შეეხო ბაქო-თბილისი-ყარსის სარკინიგზო პროექტს, ბაქო-თბილისი-ჯეიჰანისა და ბაქო-თბილისი-ერზრუმის მილსადენებს.
შეხვედრაზე პრეზიდენტებმა რეგიონის უსაფრთხოების საკითხებზეც იმსჯელეს და სამომავლო გეგმები დასახეს.
