“ძვირფასო ვეტერანებო! პატივცემულო საქართველოს მოქალაქეებო!
სულით და გულით გილოცავთ დიადი გამარჯვების 69 წლისთავს! ჩვენი მამებისა და პაპების უკვდავი გმირობა, რომლებმაც სასტიკ, სისხლისმღვრელ ომში დაიცვეს მშობლიური მიწა და მშვიდობა მომავალი თაობებისთვის - გმირული, ურყევი ფურცელია რუსეთის და საქართველოს საერთო ისტორიაში.
დღეს კულტურული და სულიერი სიახლოვის მრავალსაუკუნოვანი კავშირები, მეგობრობისა და ურთიერთგაგების ტრადიციები - ჩვენს ქვეყნებს შორის კეთილმეზობლობის აღდგენის უმნიშვნელოვანესი წინაპირობაა. ჩვენ გულწრფელად მივისწრაფვით იმისკენ, რომ რუსეთ-საქართველოს კავშირი ნაყოფიერად ვითარდებოდეს, მდიდრდებოდეს ახალი საქმეებით, იდეებით, გეგმებით.
ამ საზეიმო დღეს ჯანმრთელობას და კეთილდღეობას ვუსურვებ დიდი სამამულო ომის ქართველ ვეტერანებს, მშვიდობას და აყვავებას - საქართველოს ყველა მოქალაქეს.
მოსკოვი, კრემლი
2014 წლის 7 მაისი”